芝加哥串燒酒場 (明雲閣)

平時對香港食串燒嘅印象就係特別貴，所以以前多數北上會去食，今日嚟呢間串燒店簡直打破我以往對香港食串燒嘅睇法！唔係朋友介紹我都唔知道元朗原來有一間咁抵食嘅串燒，今晚我哋兩個人食左600幾蚊，真係食左好多唔同款嘅串燒㗎，飽到不得了！呢間店仲有一個電視可以睇波，而且佢哋有飲酒放題嘅套餐。如果撞正足球賽，嚟佢哋呢間店order埋呢個酒精放題，不得了🤣🤣成晚都唔使走！串燒有好多款之餘，仲有唔少炸物！上圖～～1. 炸水牛芝士：真係可以做到拉絲㗎，不過就要趁熱食啦！2. 黑松露燒蝦：面頭放嘅黑松露份量一啲都唔少，一口黑松露加一口蝦好香！3. 燒雞翼：燒雞翼，我自細鍾意食！呢句說話真係啱晒形容我😂呢個雞翼好香孜然味，而且燒到個皮係脆嘅！4. 燒茄子：小辣得來好惹味，充滿蔥蒜同辣粉嘅味道！估唔到埋單又好抵，因為真係食到好飽好飽好飽啊！咁都係六百幾蚊，會有下次㗎！