影片
更多
2008-11-07
21 瀏覽
呢間富士個樣似乎唔係咁乾淨，但係好抵食，有餡包賣$2.5，冇餡嘅賣$1.5，包款仲要勁多，大路包款佢齊晒，菠蘿、菠蘿椰絲、菠蘿紅豆、雞尾、豬仔、麥包、紅豆、忌廉、奶油、吞拿魚、腿蛋、餐肉、叉燒、椰絲、薄餅、熱狗......真係數唔晒，西餅亦有捲蛋同清蛋糕之類。我今日就試咗幾樣： 薄餅：面頭嘅餡好普通，只有什菜同腸仔片，包有啲過硬，呢個包貴啲，要 $3，所以算一般啦！ 忌廉：啲餡好充實，唔會因為咁平而整得好少，甜度適中，包亦軟熟！ 熱狗：餡係普通腸仔，唔係我最鍾意嘅雞肉腸，不過啲沙律醬都唧得幾有心機，賣相可以，最好食係個包，因為密度大啲，好好咬，面頭嘅芝麻亦有香味！荃灣最平嘅包舖可能係佢嘞，因為我都搵唔到仲有平過佢嘅，三個包加埋先至八蚊，真係好抵，不過佢啲有餡包嘅大小真係比其他包舖細啲，所以佢先賣得咁平，如果想試多幾種包款，我就覺得呢間包舖係唔錯嘅選擇！
呢間富士個樣似乎唔係咁乾淨，但係好抵食，有餡包賣$2.5，冇餡嘅賣$1.5，包款仲要勁多，大路包款佢齊晒，菠蘿、菠蘿椰絲、菠蘿紅豆、雞尾、豬仔、麥包、紅豆、忌廉、奶油、吞拿魚、腿蛋、餐肉、叉燒、椰絲、薄餅、熱狗......真係數唔晒，西餅亦有捲蛋同清蛋糕之類。我今日就試咗幾樣：
薄餅：面頭嘅餡好普通，只有什菜同腸仔片，包有啲過硬，呢個包貴啲，要 $3，所以算一般啦！
忌廉：啲餡好充實，唔會因為咁平而整得好少，甜度適中，包亦軟熟！
熱狗：餡係普通腸仔，唔係我最鍾意嘅雞肉腸，不過啲沙律醬都唧得幾有心機，賣相可以，最好食係個包，因為密度大啲，好好咬，面頭嘅芝麻亦有香味！
荃灣最平嘅包舖可能係佢嘞，因為我都搵唔到仲有平過佢嘅，三個包加埋先至八蚊，真係好抵，不過佢啲有餡包嘅大小真係比其他包舖細啲，所以佢先賣得咁平，如果想試多幾種包款，我就覺得呢間包舖係唔錯嘅選擇！
張貼
