更多
2017-09-03
4993 瀏覽
要望住個海景view食飯, 一般價錢都會偏貴, 但經朋友介紹, 呢間位置尖沙咀皇家太平洋酒店入面既一間向海既海景餐廳, 不但可以有靚view欣賞, 仲可以豪嘆龍蝦餐tim~辛苦左成個月終於等到今日出糧, 當然要食好d, relax一下, 相約朋友前去一試。餐廳內有部份位置都可以望到海景, 如果想指定要海景位, 最好book定位喇~餐廳內空間感幾大, 而且坐得好舒服。呢度主打係龍蝦餐, 更設有其他散叫菜式。當然我地今次就揀左佢地既主打龍蝦set試試啦~【龍蝦狂熱晚餐】HK$288/位人頭馬干邑龍蝦濃湯龍蝦湯好杰, 味道超級濃郁甘甜, 但濃得黎又唔會過鹹, 配上脆片同埋少少雜菜粒, 增加口感之餘, 更可中和口中既濃度, 而且仲有大大隻清甜爽口既龍蝦鉗肉。鮮味龍蝦青豆意大利飯賣相色澤好特別, 將青豆打成蓉再混入意大利飯中, 令整個飯呈青綠色, 有陣陣既豆香味, 但入口又唔會食到青豆既粉狀口感, 反而食落感覺creamy。因為青豆本身味道較淡, 所以廚師再加上龍蝦汁調味同埋幾粒龍蝦肉, 不但突出呢個dinner"龍蝦"主題, 更可令味道濃一點。主菜終於到!!!香烤特選鮮龍蝦(半隻)雖然龍蝦唔算
辛苦左成個月終於等到今日出糧, 當然要食好d, relax一下, 相約朋友前去一試。
餐廳內有部份位置都可以望到海景, 如果想指定要海景位, 最好book定位喇~餐廳內空間感幾大, 而且坐得好舒服。
呢度主打係龍蝦餐, 更設有其他散叫菜式。當然我地今次就揀左佢地既主打龍蝦set試試啦~
【龍蝦狂熱晚餐】HK$288/位
人頭馬干邑龍蝦濃湯
龍蝦湯好杰, 味道超級濃郁甘甜, 但濃得黎又唔會過鹹, 配上脆片同埋少少雜菜粒, 增加口感之餘, 更可中和口中既濃度, 而且仲有大大隻清甜爽口既龍蝦鉗肉。
人頭馬干邑龍蝦濃湯
105 瀏覽
0 讚好
0 留言
鮮味龍蝦青豆意大利飯
賣相色澤好特別, 將青豆打成蓉再混入意大利飯中, 令整個飯呈青綠色, 有陣陣既豆香味, 但入口又唔會食到青豆既粉狀口感, 反而食落感覺creamy。
因為青豆本身味道較淡, 所以廚師再加上龍蝦汁調味同埋幾粒龍蝦肉, 不但突出呢個dinner"龍蝦"主題, 更可令味道濃一點。
鮮味龍蝦青豆意大利飯
67 瀏覽
0 讚好
0 留言
主菜終於到!!!
香烤特選鮮龍蝦(半隻)
雖然龍蝦唔算好大隻, 但龍蝦非常新鮮, 而且很juicy~ 能夠食到原汁原味既龍蝦肉, 肉質彈牙, 有少少鹽突出鮮甜味, 另有少量既龍蝦膏, 直到宜家都令我仲回味緊啊~
香烤特選鮮龍蝦(半隻)
64 瀏覽
0 讚好
0 留言
我地仲另外加左HK$80加配香烤頂級安格斯西冷牛扒
牛扒同樣新解, 表面稍為煎一下, 完全沒有燒焦, 切開見到入面肉色呈粉紅色, 肉質鮮嫩, 保留到豐富肉汁, 更有少量牛脂, 令牛味更加重。
香烤頂級安格斯西冷牛扒
42 瀏覽
0 讚好
0 留言
最後我再加左HK$30享用甜品, 呢個甜品同樣值得推介!!!
焗綠茶心太軟配雲呢拿雪糕
單睇賣相已經睇得出廚師既用心製作, 綠茶心太軟外表鬆脆, 切開時, 入面既綠茶醬已經慢慢流出, 出期地沒有甘甘地帶苦既味道, 但綠茶味很濃郁, 帶少少甜, 下面再有薄脆、少少既雲呢拿雪糕、士多啤梨同埋blueberry, 很豐富~!
焗綠茶心太軟配雲呢拿雪糕
46 瀏覽
0 讚好
0 留言
呢度既上菜速度比較慢, 但可以望住咁靚既海景, 嘆返餐龍蝦dinner, 很relax!!
張貼
