大滿喜日本料理 (已結業)

今日本來約左去打邊爐，去到創興又想食放題，跟住入見到大滿喜好似幾好就上左去~因為9:45上到去已經係優惠時段$170一位加一，價錢吸引到（可能本人在元朗食也要200幾未計加一）一坐底當然叫次生先，另外朋友就點壽司，幾款小食同炸物，10分鐘內已經到齊，上得幾快，次生魚都幾厚都算大塊，蝦都幾大隻（第二轉細隻左）鮮帶子比較細，但整體好新鮮~壽司方面細細件幾好，唔怕食幾件就飽點左聖子幾大隻，另外有個醬爆茄子唔錯~我地仲點左黃金海鮮杯，入面係芝士蝦肉~飲品都有好多揀，咩咩玉露，解茶，綠茶，仲有好多，因為我只飲解茶甜品有北海道牛奶布甸，有乳酪，雪米滋（朱古力，綠茶，好似士多啤梨），牛奶公司雪糕，款式都幾多~今次食得非常滿意，不過座位太迫，兩個人小枱真係唔好一次過點太多，因為張枱放唔到，去廁所件衫一定會抹枱邊