茶樂 (已結業)

剛剛食完中午飯經過佐敦附近見到這間台式 飲品店～茶樂， 這間台式飲品專門店主打手作珍珠， 有多款口味包括焦糖珍珠，蝶豆花珍珠， 紫薯珍珠，芒果珍珠等等， 每款的口味各有不同， 客人可以自由配搭不同茶飲享用。我點了水蜜桃綠茶$22， 櫻花樹下配紫薯珍珠$36， 兩杯都係少糖少冰。水蜜桃綠茶～ 水蜜桃的味道做得好出色， 微甜帶清新， 綠茶的味道也慢慢滲出嚟， 好啱夏天季節的一杯台式飲品。櫻花樹下配紫薯珍珠～ 首先我係畀佢外表同埋個名吸引， 櫻花樹下好有詩意， 之後飲落抹茶味非常香濃， 抹茶控必定要試， 紫薯珍珠入口煙韌， 最欣賞是自家製的手作珍珠， 非常有賣點。其實現在香港的台式飲品店多不勝數， 想突圍而出真是要花心思， 客人好多時有太多選擇， 今次這一間我就幾欣賞他們的手作珍珠， 又可以自由配搭，而味道也不錯啊！