橫濱水手 (已結業)

今日經過橫濱水手，剛好見到橫濱水手仲未收下午茶的餐牌，店員都好好人話做埋下午茶俾我，而且仲包一盒菊花茶，咁就試下啦。由於堂食位置唔多，而且如果一個人的時候都係寧願買返屋企慢慢歎，所以就買返屋企先食啦。什錦魚生飯 - 分量充足，原本都驚什錦魚生飯通常都俾D冇咁靚的魚生位，但D個魚生飯的魚生比想像中靚，而且仲要比一般魚生飯多左蘆薈粒、日本飯素同沙律菜，成個感覺提升左，味道都相當唔錯，只係好似唔夠Wasabi。鰻魚手卷 - 因為怕唔夠飽所以叫多左個手卷，手卷份量吾算大件，但至少唔會只係得見到的地方先有鰻魚，而係成個手卷入面都有鰻魚，可惜紫菜放得耐都係好易「淋」。整體而言，下午茶真係幾抵食，而且食物味道都唔錯，有機會可以再試。