影片
更多
2017-04-20
617 瀏覽
有別於傳統邊爐，uniboil 將全部料放入一鍋中，之後再揀湯底。值得一提係，湯底足足有十多款，除清湯，四川麻辣，沙嗲外，仲有冬蔭公，韓式部隊鍋，日本壽喜燒，新鮮南瓜以及新鮮蕃茄等等，可以話照顧到唔同口味既食客。呢間鋪特色之一係門口有個機器人先生歡迎大家，另一特色係由機器人小姐送餐，避免左熱湯由人手送既危險，另一方面，大人小朋友亦覺得新奇，忍唔住拎起相機捕捉呢個特別畫面。講起美國，點少得安格斯牛肉，當然要試一試，下面放有唔同類型丸，金茹、木耳以及時菜，上面鋪上牛肉片，湯一滾，牛味濃郁，下面湯底吸收左牛肉味，放入薯粉，吸引埋牛既精華，一啲都唔浪費。除牛外，大家可以選擇美國極黑毛豚肉或紐西蘭羊肩肉。作為香港對海鮮係無法抗拒，所以都點左。兩隻大海蝦，青口，八瓜魚，帶子，賣相吸引，少不了各類丸。鋪頭全部丸出自振興，質素有保證，丸彈牙之餘，幾乎全部係包心，實屬驚喜。除此之外，大家可以試下辣豬手煲，或者韓式部隊鍋，呢啲其他鋪頭比較少見。不過由於每個鍋即叫即準備，所以需要耐心等待片刻。整體而言，一個鍋一百左右，包埋飯一碗或薯粉，以及一杯飲品，如果大家意猶未盡，可以追加唔同配料。值得稱讚係員工解釋詳細
有別於傳統邊爐，uniboil 將全部料放入一鍋中，之後再揀湯底。值得一提係，湯底足足有十多款，除清湯，四川麻辣，沙嗲外，仲有冬蔭公，韓式部隊鍋，日本壽喜燒，新鮮南瓜以及新鮮蕃茄等等，可以話照顧到唔同口味既食客。
呢間鋪特色之一係門口有個機器人先生歡迎大家，另一特色係由機器人小姐送餐，避免左熱湯由人手送既危險，另一方面，大人小朋友亦覺得新奇，忍唔住拎起相機捕捉呢個特別畫面。
講起美國，點少得安格斯牛肉，當然要試一試，下面放有唔同類型丸，金茹、木耳以及時菜，上面鋪上牛肉片，湯一滾，牛味濃郁，下面湯底吸收左牛肉味，放入薯粉，吸引埋牛既精華，一啲都唔浪費。除牛外，大家可以選擇美國極黑毛豚肉或紐西蘭羊肩肉。
作為香港對海鮮係無法抗拒，所以都點左。兩隻大海蝦，青口，八瓜魚，帶子，賣相吸引，少不了各類丸。鋪頭全部丸出自振興，質素有保證，丸彈牙之餘，幾乎全部係包心，實屬驚喜。
除此之外，大家可以試下辣豬手煲，或者韓式部隊鍋，呢啲其他鋪頭比較少見。不過由於每個鍋即叫即準備，所以需要耐心等待片刻。
整體而言，一個鍋一百左右，包埋飯一碗或薯粉，以及一杯飲品，如果大家意猶未盡，可以追加唔同配料。
值得稱讚係員工解釋詳細，仲送左一套鋪頭獨有襟章俾我地留念。
張貼
