大家樂 (已結業)

機場搵食真係有難度，如果撞啱peak season 真係好多人同埋走圍都冇位！想快捷方便莫過於快餐店，入到大家樂搵個位坐低就叫餐，雖然選擇冇巿區咁多，不過都有燒味，小菜，碟頭飯⋯等等！最後叫左個焗豬扒飯加杯紅豆冰坦白講，大家樂食物水準好參次，有部份大家樂食物水準很差，尼個招牌焗豬扒飯就不錯，豬扒夠淋，略嫌炸粉太多，米比較淋，不過我就比較鐘意食淋D嘅飯，所以我覺得可以接受，個汁美味，唔會太酸，略有茄汁味。估唔到紅豆冰不錯，紅豆起沙咬一口淋淋的充滿紅豆味，雖然有點甜，但傳統嘅紅豆冰本身就是甜甜的。