好運來盆菜專門店

一間咁有歷史既大排檔，完全表現出咩叫樹大有枯支。

叫個外賣咕嚕肉，跟一份白飯，同一碗味精湯，80蚊，雙餸飯都買到兩盒，但佢一盒小菜連人地一個餸都比唔上。

成盒咕嚕肉配菜洋蔥同青紅黃椒，咕嚕肉唔夠10舊，10舊有幾舊得粉，唔建議任何人幫襯外賣，明呃你錢。除非鍾意食白飯就真係好大盒，一定食得飽。

至於堂食，今次叫外賣唔評論，但見微知著，大家都諗下先食，呢個價同質素，元朗大把選擇。

無諗過大裝修完就當街坊水魚咁劏。