才哥蝦麵 (已結業)

因為接朋友放工，所以黎左大角咀搵食，見到呢間鋪頭幾新淨，小食十零蚊一碟，岩晒兩個人share，所以就試一試。

鋪頭好新淨，入面幾張枱、簡約風。

七款主食加十種小食選擇，貴精不貴多。

凍西洋菜蜜、凍桔仔水。
桔仔水有一點點桔皮，清新醒胃，一般好少見既飲品，一定要試。

淨蘿蔔，軟硬適中，個醬微微辣，更突出蘿蔔清甜。

芝麻手撕雞，味道清新。

才哥蝦湯麵，侍應話想食更入味就揀米粉，所以轉米粉。湯既顏色已經好吸引，飲落有濃濃既蝦糕香味，配料有蝦、豆卜、豬肉、生菜等。

去骨雞飯，飯粉粉分明，無雞油，同平時海南雞飯有分別，配上醋、醬油糕、薑蓉。
右上角係冬瓜湯。

每人八十蚊，有肉、有蝦、有菜，簡單一餐，食得舒服。