喜惶點心專門店

營業中

休息中

本身就想飲茶，然後咁啱喺旺角，就搵到呢間喜惶。咁就嗌咗幾個點心，其中佢嘅雞扎同埋魚翅餃都有同一浸怪味。我第一次食魚翅餃佢個湯係完全冇味，跟住個餃皮好淋，未咬已經散哂，略為失望。正常嘅就係個鳳爪、牛肉燒賣😑另外叫咗個蜜瓜炸鮮奶，因為用蜜瓜奶所以感覺都幾新鮮，但都係有少少奇怪，唔會有意欲食第二條。。。自己最期待嘅就係食個竹炭熔岩奶皇包，先唔講佢個內餡，三個奶皇包嘅大細不一，整體極之唔美觀已經大打折扣，入面嘅奶皇餡超級少，唔知熔岩喺邊到！未見過有奶皇包係咁少餡！然後個包可能係因為竹炭嘅關係而又有一浸怪味。雖然佢係黃店，但我真係唔會再回頭去食，我從未食過有一間點心鋪整嘅點心係如此趕客、難食，應該都要有返咁上下質素吧。