鮨政 (已結業)

今晚請呀妹食飯，佢就揀咗呢間日本餐廳「鮨政」，兩個女仔食唔到好多嘢，不過勝在樣樣都好好味。炸軟殼蟹(っ●ω●)っ評分5/5💓平時食蟹就食唔少，炸軟殼蟹都係第一次試，估唔到炸完嘅軟殼蟹味道更加好食，香脆嘅口感，加上蟹嘅鮮味，真係食過返尋味。炸蝦天婦羅卷(っ●ω●)っ評分5/5💓呢個炸蝦天婦羅卷都唔錯，日本米非常軟熟，加上炸好嘅天婦羅蝦，飯同埋天婦羅嘅比例啱啱好，食到好滿足。三文魚牛油果沙律(っ●ω●)っ評分5/5💓平時好鍾意食三文魚嘅我都要叫呢個試下，主角嘅三文魚非常之鮮味十足，牛油果好fresh，好清新嘅配搭。