悅滿軒

咁耐無出街難得今日約左朋友食飯當然要食好啲食豪啲，就揀咗呢間位於荔枝角嘅法國餐廳。首先話名食好啲食豪啲當然要叫反幾隻蠔，果然係“好蠔”，呷到鹹鮮嘅海水味🌊，肉質又肥美蘋果木煙燻西班牙乳豬🐽嘅肉都幾厚，唔會話燒到好乾，而且真係食到少少蘋果木嘅味道，唔係齋gimmick嘢🍎美國牛腹肉他他🐮混合咗好多材料，有酸有甜有爽脆，食到口感味道豐富但又唔會蓋過牛腹肉自帶嘅牛香味。好鍾意佢配嘅蒜蓉包，屬於偏薄身唔係厚切多士類型，但都有四塊。多士成片都烘到超級香脆，鬆軟嘅麵包體變咗完完全全香脆，似帶少少煙韌嘅薯片🤣