唔洗等位就可以入座了。
鋪內裝潢簡單整潔，木系全主，
有一幅紅色特色牆甚為搶眼。
餐牌很多選擇，
湯粉有分regular、Large及Xlarge。
我地嗌左燒豬頸肉撈檬、和牛湯河、蒜蓉雞翼、軟殼蟹紙米卷及滴漏咖啡。
大概等5分鐘就陸續上齊，
第一下見到碗豬頸肉撈檬，心諗勁大碗，
有好多豬頸肉，而且燒過外皮，脆卜卜又香口。
和牛湯粉，最欣賞當然係和牛，
好嫰滑，索哂個湯底之餘又入口即溶。
雞翼炸得香脆，入面仲係juicy，
外皮仲有炸蒜粒，蒜味入口感覺仲正！
軟殼蟹紙米卷配千島醬，感覺新奇，
個醬食落甜甜地，令人更開胃，而且減少油膩感。
滴漏咖啡味香濃幼滑，嗒落甘香，而且價錢唔貴，唔錯。
