塚田農場 (已結業)

天氣熱辣辣又餓，周邊餐廳都排晒隊見到呢間冇排隊，所以就入咗去叫咗一個雞白湯拉麵配南蠻炸雞。雞丸超鹹，但個人鹹甜程度不同，不多評論。但拉麵本麵，簡直離晒大譜，不可接受，完全不能入口，食落去完全黐牙糊口，唔明點解仲可以收你$138 +1，放入口完全唔知自己食緊咩！真係好唔想浪費，但係真係好難食，食唔到第二條麵！個南蠻炸雞，外表光鮮內裏冰凍感覺仲係翻叮過。 極之失望，但係又餓之好成餐將啲配菜食晒。是近年來食過最不愉快的一餐，必須評論一下🥲真正又貴又難食！請都唔會再去！