去到門口見到一大堆人 以為要等位 啲店員呀姐又唔行出黎 入都入唔到門口就企係到等一陣
點知個呀姐出嚟先話「呢啲人外賣 堂食直接入嚟」嘥哂啲時間😑
入到去間鋪坐到8成滿 鋪面唔大但叫人落單叫到口水都乾都無人幫手落單
叫到個呀姐 佢就手寫落單紙
等咗一陣又有另一個呀姐行埋黎 再用點單機落單
同時間收銀女人又瘋狂大聲埋怨「落錯哂啲單」另一個呀姐又同佢一齊大大聲喺到鬧😒
等咗十幾分鐘有張實體單出左 上面落單嘅野又係錯哂。。。又要再叫佢改
咁啱有個哥仔被呀姐逼 搭左我哋枱 本身人哋喺後面枱 搭一個人嘅又唔比 係要調人坐過黎逼最後單都錯哂
歷時入底到依到已經係15分鐘有多 聽足15分鐘嘈音 好似師奶喺街市嗌交咁 好X辛苦
過多一陣以為終於有野食 點知放低兩碗白飯就無 心諗咩料呀無拿？
再過五分鐘 終終終於有野食到 點知野食都仲係錯！😡🤬
明明應該金湯拼肥牛 就將肥牛放落酸菜魚
金湯唔知係咪廚房溝到蕃茄湯 食到蕃茄味多啲😅
酸菜魚湯無乜味 唯一優點係配菜足料
希望真係可以做好啲服務。。。
