濟州燒肉食堂

營業中

休息中

早幾日買完嘢行經北角匯，原來開左好多新餐廳，今日有時間同屋企人去食下飯，我地都好想食燒肉就入左去。食堂韓牛拼盤有特選牛五花，食堂牛小排，大葱切牛舌，牛小排油脂分布平均，好正，牛五花同牛舌都醃製過，食落爽口入味。特選黑毛和牛上貝身肉和牛高質，輕輕燒一燒就食得，肉質嫩滑，牛肉味濃。濟州豪快黑毛豬五花肉五花肉肥瘦適中，燒完脆卜卜包生菜一齊食，正！一盒芝士生蠔芝士份量好多，生蠔唔算大隻但勝在鮮味十足，無腥味。五花肉部隊鍋份量多，材料多，仲有我中意嘅年糕，加上公仔麵麵條爽口彈牙唔會好林。