Layback Cafe & Bar (已結業)

今日收工係尖沙咀行街，行到咁上下就上左黎呢間樓上cafe食番個晚餐。今晚想食輕食，所以雖然意粉同沙律同價，我都揀左沙律。芝士蘑菇雞翼（$68）呢個幾特別，明太子雞翼就食過好多次，第一次見加蘑菇同芝士入去。味道好夾！感覺有啲似雞批！軟殼蟹沙律（$128）軟殼蟹切開一條條方便食，都幾大隻，不過沙律菜略嫌比較少，呢個價錢黎講份量可以再多啲啲。牛油果咖啡（$68）第一次見牛油果加咖啡，味道都好有驚喜！牛油果同咖啡嘅味道都好分明，無比互相影響。牛油果打成蓉加上冰，替代奶，原來都唔錯！呢度有戶外位，室內有好多櫻花裝飾，感覺係行cozy嘅氣氛。