影片
更多
2015-12-11
397 瀏覽
去日本旅行已經係成年前既事，有啲掛住日本既野食，所以約左一齊去日本班friend食日本菜試下新餐廳想話回味下日本既味道。餐廳的位置好便利，位於銅鑼灣廣場一期對面，基本上一出地鐵站就見到，行過去都只係幾分鐘路程。一入間店舖感覺地方幾廣，冇小店既壓迫感，環境尚算滿意。一開始我地先試試刺身，點左一個極上刺身拼盤。個拼盤總共有七種刺身，帶子肉身厚非常甜美，白身魚亦都好鮮，只有海膽不夠滿意，到喉嚨時會有些微澀味，未算最靚但都食得出來貨唔平。主食方面令我印象深刻既係叉燒配金麵鼓湯拉麵，麵鼓湯底非常濃郁之餘又唔會令你覺得口乾，叉燒肥瘦適中，唔會過硬亦唔會過度鬆散，拉麵麵質唔會太腍中了我的口味。一問之下員工們向我透露湯底和麵都是日本空運過來，難怪有此等水準。食完拉麵後就嘗試一下另一特色主食花膠雞絲濃湯手打烏冬。湯底非常足料以致香味頗濃，花膠令到整個烏冬質感黏口，配合滑身彈牙烏冬整體感覺好特別，可能之前好少食咁煮既烏冬，未必每個人都會喜歡，但個人認為值得未試過既朋友試一試。最後要講一講燒物，食左好幾樣有兩樣要推介一下。第一樣係西京銀鱈魚，簡單既煮法更顯得到選料既新鮮及廚既技巧，魚肉彈牙香口同時唔會失去鮮
一開始我地先試試刺身，點左一個極上刺身拼盤。個拼盤總共有七種刺身，帶子肉身厚非常甜美，白身魚亦都好鮮，只有海膽不夠滿意，到喉嚨時會有些微澀味，未算最靚但都食得出來貨唔平。
主食方面令我印象深刻既係叉燒配金麵鼓湯拉麵，麵鼓湯底非常濃郁之餘又唔會令你覺得口乾，叉燒肥瘦適中，唔會過硬亦唔會過度鬆散，拉麵麵質唔會太腍中了我的口味。一問之下員工們向我透露湯底和麵都是日本空運過來，難怪有此等水準。
食完拉麵後就嘗試一下另一特色主食花膠雞絲濃湯手打烏冬。湯底非常足料以致香味頗濃，花膠令到整個烏冬質感黏口，配合滑身彈牙烏冬整體感覺好特別，可能之前好少食咁煮既烏冬，未必每個人都會喜歡，但個人認為值得未試過既朋友試一試。
最後要講一講燒物，食左好幾樣有兩樣要推介一下。第一樣係西京銀鱈魚，簡單既煮法更顯得到選料既新鮮及廚既技巧，魚肉彈牙香口同時唔會失去鮮味，係成餐比較大既一個驚喜。第二樣係燒安格斯牛肉，牛味重又唔會韌。
日本餐廳喺香港開到周圍都係，好難間間都高質，中間一定有些是質素參差，但哩一間我一定會再返黎，咁既價位有咁既質素仲要求咩。
張貼
