快樂蜂 (豐裕軒)

Jolibee係香港愈開愈多分店，好多人都推介樂趣雞~🍗
最近我試咗樂趣雞，果然有驚喜✌🏻

樂趣雞有原味同辣味，每件新鮮即炸，拎上手都係熱辣辣🔥
炸雞皮金黃酥脆，口感脆卜卜，炸雞皮好邪惡但勁香口！
肉質嫩滑多汁，即使係原味，滿滿嘅肉汁好juicy~😋
而辣味炸雞堅係辣，比原味更加香口惹味
仲可以沾蘑菇汁嚟食，味道更豐富！

C2同C4餐各有一件雞胸同雞槌，啖啖肉好正
C2 可選配細著條/著蓉/栗米/白飯
細著條即使唔沾茄汁都已撒上鹽，
C4預設配蘑菇飯，啖啖都有蘑菇汁，味道好香😌

2