小嵐山 (已結業)

係樂富行完街，見到有間新開無耐既日本菜，好近地鐵站，非常方便。入到去見座位闊落，裝修明顯花過心思。🥢腐皮壽司外表樸素，但豆皮滷上甜甜既味道十分美味。🥢蟹籽蟹肉沙律入口充滿啖啖拆蟹肉既鮮味，仲有粒粒蟹籽既口感，每口盡是滿足。🥢雞軟骨粒外酥內脆，口感豐富，停唔到口，一口一香脆。🥢串燒粟米好耐無食過燒粟米，可以滿足一下。🥢串燒雞腎雞腎口感比較硬，不過不失。🥢芝士年糕剛炸好熱辣辣，外脆內軟，食落滿口芝士。🥢鹽燒秘製慢煮牛舌牛舌肉質夠緊，而鹽令牛味更突出。🥢牛肉野菜鍋另追加生蠔2只、手打烏冬鍋物材料豐富，有牛肉、冬菇、豆腐、金菇、粟米、娃娃菜、粉絲、烏冬等等，追加既生蠔都好新鮮。