甜姨姨私房甜品 (清風街)

營業中

休息中

天后簡直就係美食街，想食乜都有。收咗工，同同事想坐低吹下水，甜品都係最好嘅選擇，所以就嚟咗呢度啦。呢間甜品譜嘅甜品種類多得誇張，中式又有，西式又有，鹹點都有！真係唔怕叫唔到嘢食，最怕唔知叫咩食好。由於見到佢嘅鹹蛋黃魚蛋好似係新出，之前都冇見過，所以就叫黎試吓。魚蛋辣辣地，冇乜特別，但鹹蛋黃醬勁多，一上枱已經聞到好大浸香味。佢嘅鹹蛋黃醬仲有得一津津買，用嚟撈公仔麵一定好正，但亦都好邪惡。我哋另外仲叫咗個超級榴槤雪山，係用榴槤雪葩、榴槤忌廉汁、新鮮榴槤肉、自製榴槤雪糕、榴槤乾同榴槤威化餅組成；榴槤味激濃！份量超多，三個人食都得。