聰嫂星級甜品 (已結業)

銅鑼灣想平平地食傳統甜品，一係松記一係聰嫂。因為今日響時代廣場附近，於是揀左聰嫂。星期三既夜晚九點幾，排隊既人潮不斷，有幸入座都唔好咁開心住，因為位與位之間基本上無咩距離，你一定會點住旁邊既陌生人坐。黎到呢度，當然要點榴槤甜品：榴槤水晶珠 $34每次都點既甜品，今日雪得有啲硬。榴槤肉下既榴槤冰雪得太凍既關係食落唔係太重榴槤味，但等一陣之後食味道會出番，水晶珠依舊卜卜脆，兩個人食一碗剛剛好唔會太滯。榴槤班戟 $24 呢個細細件都好好味，班戟皮雖然有啲厚，但中間既cream 同榴槤肉係6:4，cream令到整件班戟好creamy好濕潤，唔怕食到乾爭爭，更榴槤肉好香好軟滑，好抵食