影片
更多
2012-02-23
43 瀏覽
放學後一個人搵野食，最方便就係用Iphone 既 open rice app 睇下有咩好食～ 係學係附近有一間好似唔錯既茶記＜華星冰室＞，就行過去食la~由於放學已經係19:45加上今日母親節既關係，茶記好似唔係好多人，裝潢方面係舊式冰室既格局，格仔磚木檯椅。最特別既係周圍貼滿80年代巨星既黑膠碟套，仲要有親筆簽名，而我好愛既哥哥亦有不少大碟在內。一睇餐牌，完全係澳洲牛奶公司既copy，由於細個係尖沙咀長大澳x牛奶公司已經係我由細到大既至愛茶記。今次當然要試試依間香港版”澳x牛奶公司”既常餐la~整個常餐都ok，係通粉方面淡左D，不過依樣問題澳洲牛奶公司都係一樣，可惜佢地自稱好飲既奶茶就差左少少，個茶底擺耐左開始酸（唔係變壞果隻），因為茶無論中式定西式都不宜放太耐。炒蛋夠滑又唔太咸多士亦外脆內軟，nice !$30一個茶餐有依個質數我非常滿意，我成日同人講比幾多錢食野唔緊要，最緊要係合理同值得。又平又好食係Bonus ，唔好食下次咪唔好食囉，最怕係又貴又難食就最火滾HUH~** 要讚下D侍應好有禮貌ga
放學後一個人搵野食，最方便就係用Iphone 既 open rice app 睇下有咩好食～ 係學係附近有一間好似唔錯既茶記＜華星冰室＞，就行過去食la~由於放學已經係19:45加上今日母親節既關係，茶記好似唔係好多人，裝潢方面係舊式冰室既格局，格仔磚木檯椅。最特別既係周圍貼滿80年代巨星既黑膠碟套，仲要有親筆簽名，而我好愛既哥哥亦有不少大碟在內。
一睇餐牌，完全係澳洲牛奶公司既copy，由於細個係尖沙咀長大澳x牛奶公司已經係我由細到大既至愛茶記。今次當然要試試依間香港版”澳x牛奶公司”既常餐la~
整個常餐都ok，係通粉方面淡左D，不過依樣問題澳洲牛奶公司都係一樣，可惜佢地自稱好飲既奶茶就差左少少，個茶底擺耐左開始酸（唔係變壞果隻），因為茶無論中式定西式都不宜放太耐。炒蛋夠滑又唔太咸多士亦外脆內軟，nice !
$30一個茶餐有依個質數我非常滿意，我成日同人講比幾多錢食野唔緊要，最緊要係合理同值得。
又平又好食係Bonus ，唔好食下次咪唔好食囉，最怕係又貴又難食就最火滾HUH~
** 要讚下D侍應好有禮貌ga
張貼
