影片
更多
2019-07-15
42 瀏覽
一直聽聞淘大花園而家新開左好多靚既餐廳，今日就抽時間過黎一試。行左一陣揀左呢間supernormal，因為見到佢menu有好多唔同既craftbeer，感覺係可以係度chill一晚，慢慢食慢慢飲，所以呢個食評都會以酒精類飲品為主既！La Trappe Quadrupel 手工啤我地第一支揀既係呢支10%既手工啤，飲落好舒服，口感好滑。味道係好傳統既修道院啤味道，充滿住麥芽香氣，唔算太過甘苦。店員亦都非常專業，真係用左10-14度既溫度黎serve，證明呢間唔係一間求其既craftbeer bar。Chinese Hua Diao Cocktail然後我就點左呢一杯外型非常吸引既花雕cocktail。雖然佢係cocktail，但佢濃度係偏高架，因為佢recipe入面仲加左gin。我會形容呢杯係一杯女性向既cocktail，因為佢仲加左蘋果汁同放左一支新鮮cinnamon係上面。飲落花雕味都好濃厚，好欣賞佢地發揮創意，中西合壁。上面放既薄荷葉好吸晴，加埋個花瓶酒杯好適合打卡！三重芝士和牛漢堡因為送酒，我地就叫左比較漏既一個burger，因為burger同beer係絕配黎。Size算係中間，
La Trappe Quadrupel 手工啤
我地第一支揀既係呢支10%既手工啤，飲落好舒服，口感好滑。味道係好傳統既修道院啤味道，充滿住麥芽香氣，唔算太過甘苦。店員亦都非常專業，真係用左10-14度既溫度黎serve，證明呢間唔係一間求其既craftbeer bar。
Chinese Hua Diao Cocktail
然後我就點左呢一杯外型非常吸引既花雕cocktail。雖然佢係cocktail，但佢濃度係偏高架，因為佢recipe入面仲加左gin。我會形容呢杯係一杯女性向既cocktail，因為佢仲加左蘋果汁同放左一支新鮮cinnamon係上面。飲落花雕味都好濃厚，好欣賞佢地發揮創意，中西合壁。上面放既薄荷葉好吸晴，加埋個花瓶酒杯好適合打卡！
三重芝士和牛漢堡
因為送酒，我地就叫左比較漏既一個burger，因為burger同beer係絕配黎。Size算係中間，塊肉好厚，配埋車打芝士，同埋應該係藍芝士醬，成件事感覺係好滿足。漢堡扒唔會過熟，仲keep到有肉汁。伴碟既薯條都非常高質，佢唔係最幼個隻，又炸得夠脆，真係好岩送酒食。
西班牙海鮮飯
之後我地都開始肚餓，就叫左個西班牙海鮮飯。呢個飯幾有驚喜，因為我地一開頭以為佢會係類似paella咁既，不過佢其實比較似risotto，但係好食既！佢同樣用上新鮮既海鮮做配料，飯係忌廉蕃茄口味，而飯粒軟硬度亦都控制得好好。呢個飯非常開胃，但亦都夠飽肚。我地食完呢個risotto亦都覺得可以唔需要再叫野食嚕。
North Coast Old Rasputin Russian Imperial 手工啤
食完野我地都意猷未盡，決定再叫多一支手工啤。今次飲呢一隻同第一支好唔同，首先佢個色澤已經係比較深色，貼近我地平時飲既stout。呢一支係帶點淡淡既朱古力味，不過飲落喉既感覺就無第一支咁滑。溫度同樣係控制得好好。
兩個人，飲埋酒埋單都係400蚊only，個人覺得十分之抵。店員服務態度好好，會為我地介紹menu同埋啤酒，亦好有禮貌。餐廳亦都乾淨企理，餐單亦同手工啤／cocktail choice好夾，我同朋友都認同，如果我地住附近，一定會得閒落黎飲返兩杯輕鬆下。
張貼
