平成 (已結業)

極高質小店 暖和日式居酒屋燒五花腩三重芝士蛋餅 $150⭐️⭐️⭐️⭐️⭐️愛蛋人士一定鍾意！先講五花腩，肉質鮮嫩，肥瘦剛好，豚肉味同香濃嘅芝士、蛋漿配合得天衣無縫，一啲都唔膩，味道真係一支棒！蛋餅火候控制相當之好，中間仲有啲流心芝士同滑蛋，口感實在得來又好滑溜，強力推薦！梅酒蕃茄 $40⭐️⭐️⭐️⭐️酒味唔會好強烈，蕃茄充滿住淡淡梅香，炎炎夏日，呢個梅酒蕃茄除咗酸酸甜甜開胃之外，仲增添一份涼意同清爽！芥辣八瓜魚豆腐 $90⭐️⭐️⭐️⭐️呢個配搭根本上係冇得輸，芥辣會太攻鼻，八爪魚十分爽口，豆腐豆味濃郁，口感滑溜。味噌醋国產雞甘辛鍋 $260⭐️⭐️⭐️⭐️⭐️呢個味道極之有驚喜！湯底甜得來帶點辣，有少許似雞酒，但絕對超越雞酒咁好味，完全係超乎想像！豆腐略略煎香，中間仲有啲酸蘿蔔，同個湯勁夾！野菌同娃娃菜完全浸泡喺味噌入面，好吸味！主角国産雞，肉質嫩滑，夠入味！呢個湯鍋配上啤酒簡直係一流！鹽燒M9和牛 $180兩本⭐️⭐️⭐️⭐️和牛燒得啱啱好，肥瘦均勻，油香味濃重，就咁鹽燒原汁原味已經好正！肉質軟淋得黎有咬口，唔會太老同太靭。特別鍾意佢既店舖裝修，環境氣氛暖和舒適。回頭率 🤡🤡🤡🤡🤡性價比🤰🏻🤰🏻🤰🏻🤰🏻