而打淥滷汁拌粉 (青衣城2) (已結業)

唔知幾耐冇去過青衣城，竟然而家有2期🤣仲要勁多新餐廳見都未見過，今次行過呢到勁大浸滷水香味，仲有唔少街坊係到排隊買，睇落似幾好食就入咗去上吓🤤 店舖座位唔算好多，鐵製高身座位令我諗返起以前台北個啲街邊檔🤑今次同朋友一人嗌咗啲滷味share嚟食😆呢到嗌法其實有啲似車仔麵，先揀麵底再揀餸🍜首先係台式加熱滷味檔嗌咗一份蔥油滷汁拌麵 ($12)揀咗秘製蘿蔔 ($12)同 招牌金錢肚 ($20)✨佢哋滷水汁真心好正，蘿蔔亦都超入味夠鮮甜☺️而且金錢肚勁索滷水汁，咬落去幾有口感🤤拌麵份量都幾多所以好夠飽肚😆另一份嗌咗台式麻辣燙 ，麵底揀咗麻辣拌粿條 ($16)配菜就揀咗麻辣杏飽菇($18)同埋麻辣鴨血($18) 佢哋個麻辣汁偏麻，辣度係可以過到癮嘅🌶粿條食落有啲似烏冬，偏粗身但比烏冬再實淨少少😂加落去個麻辣汁又幾夾～鴨血同麻辣呢個配搭真心冇得輸，不過私心想店家畀多幾舊鴨血🤪除咗食物味道同環境好有台灣feel，其實都好欣賞佢哋店員，食物包裝都還原返台灣嘅感覺，加埋啲燈籠同佢成個裝修格局，去到真心有種台北夜市掃街feel😛 佢哋仲有好多小食可以試吓🤑