Aussie Grill By Outback (已結業)

邪惡指數: 🐽🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️新開嘅呢間位於中環中心地段嘅快餐店非常吸睛，淨係門面都非常之有氣勢同埋活力🤩得知原來係outback嘅副線，主打漢堡包快餐，今次就因為冇乜時間嘅關係就買咗外賣返公司試試佢：⭕️ Classic Bacon Cheese Burger -個漢堡包充滿好香嘅牛油味，牛肉雖然唔係好厚，但係幾重牛味，口感鬆軟又juicy，配埋煙肉芝士係好食嘅👍🏻⭕️ Aussie Ribs - BBQ醬調得幾好味，肉又燒得啱啱好保持到肉質，唔會過硬過乾。不過略嫌細份，每條骨唔係好多肉。⭕️ Sides - 揀咗Fries同Kettle Chips各一。佢嘅薯條偏肥，唔係唔好食，只不過我個人比較鍾意食skinny fries🙃 我比較推介手工薯片，夠晒厚，炸得乾脆，搞到我食唔停口！🙋🏻‍♀️⭕️ Crispy Cajun Shrimp - 三個人驚唔夠食所以嗌多咗呢個snack。每隻蝦都沾滿醬汁，雖然啲蝦應該都係用冰鮮貨，不過我鍾意佢個醬，好惹味又夠辣🌶