影片
更多
2018-09-13
44 瀏覽
在金鐘有好多特別小店，在月街有如置身日本的感覺，見到呢間日式店好吸引，我地就入去試下。環境不俗，枱不會很密，有很多日本畫裝飾店舖，精緻格局。坐吧桌就可以睇到師傅精湛的手藝，尤其係食廚師發板的時候。大大的落地玻璃，很有空間感，相信日頭黎都會幾舒服。有户外座，可以給抽煙的客人坐。Omakase $980/位，有前菜、刺身、壽司、燒物、炸物、和食、甜品。廚師介紹自家制梅味燒酎，跟季節改水果口味，依家浸緊桃，十二月就有得飲，遲d會浸士多啤梨，大家可以到時來試試。冷蕃茄，來自熊本的蕃茄原來係日本產量no.1，色澤鮮紅，充滿水份，酸甜平均，口感爽脆。福岡生粟米鮮甜爽口，配魴鮄魚刺身，師傅刀功了得，厚薄一致，刺身肉質扎實有嚼勁，好鮮甜。附上沢蟹，小小的蟹脆卜卜，味道都幾濃郁，仲見到店家用缸養住生蟹仔。厚岸蠔呈長形的，好特別，來自北海道，肉質肥美，口感creamy，金屬味和海水味不重，顯得蠔味道更清甜。深紅色的赤身加少少wasabi食，魚味濃郁，魚油豐富。油甘魚腩位加wasabi和醬油食，腩位非常肥美，爽口又有咬口。生磨wasabi唔會好嗆，味道不錯。白蝦炸過的，脆脆的，好香口，蝦味重。青鯛寿司幼嫩鮮
環境不俗，枱不會很密，有很多日本畫裝飾店舖，精緻格局。
坐吧桌就可以睇到師傅精湛的手藝，尤其係食廚師發板的時候。
大大的落地玻璃，很有空間感，相信日頭黎都會幾舒服。有户外座，可以給抽煙的客人坐。
Omakase $980/位，有前菜、刺身、壽司、燒物、炸物、和食、甜品。廚師介紹自家制梅味燒酎，跟季節改水果口味，依家浸緊桃，十二月就有得飲，遲d會浸士多啤梨，大家可以到時來試試。
冷蕃茄，來自熊本的蕃茄原來係日本產量no.1，色澤鮮紅，充滿水份，酸甜平均，口感爽脆。
福岡生粟米鮮甜爽口，配魴鮄魚刺身，師傅刀功了得，厚薄一致，刺身肉質扎實有嚼勁，好鮮甜。附上沢蟹，小小的蟹脆卜卜，味道都幾濃郁，仲見到店家用缸養住生蟹仔。
厚岸蠔呈長形的，好特別，來自北海道，肉質肥美，口感creamy，金屬味和海水味不重，顯得蠔味道更清甜。
深紅色的赤身加少少wasabi食，魚味濃郁，魚油豐富。油甘魚腩位加wasabi和醬油食，腩位非常肥美，爽口又有咬口。生磨wasabi唔會好嗆，味道不錯。
白蝦炸過的，脆脆的，好香口，蝦味重。
青鯛寿司幼嫩鮮甜，肉質清爽，已加了wasabi和醬油，飯size適中，醋味剛好。
冰頭漬好特別的食材，半透明的質地原來係三文魚頭軟骨，入口爽脆，加了醋，沒有魚腥味，酸味味，好開胃。
姬鯛是高級的魚種，師傅切開了魚的肌理紋路，入口時更能品嚐魚的真味，而且師傅用火炙過魚皮，令到魚味更香。
系撚鯛原來係日本紅衫魚，屬矜貴食材，肉質結實有彈性，味道鮮甜。
海膽、赤蝦、海葡萄，赤蝦肉質厚實彈牙，三種食材一齊食令到口感十分豐富，鮮味十足，你一定會愛上。
大拖羅油脂飽滿，好肥美，口感嫩滑，質素屬極上級。
煙肉串茄燒得好靚，好有美感，煙肉唔肥，車厘茄好甜，加少許醬汁調味已足夠，好滿足。
明太子手羽燒得皮脆肉嫩，入面充滿了明太子，少少辣，好惹味，雞翼甚有質量，好好味。
汁燒牛扒配胡麻醬沙律，用上美國安格斯牛，超大份der，肉質tender，十分juicy。
梅子紫蘇素麵呈粉紅色好美喔！麵的紫蘇味重，口感清爽細滑，冷食先食到真味，很適合夏天食，而且可減低肉食的油膩感。
福岡桃色澤吸引，又香又甜，yummy！
成餐飯都係一個文化之旅，可以食到不同品種的日本食材，不時不食，有驚喜。
張貼
