壽司翔太 (已結業)

已經一段時間無食優質嘅日本菜，今次黎到有米芝連星加冕嘅翔太壽司，當然印象深刻啦。餐牌固之然精美，而餐廳亦以開放形式，師傅亦大家面前料理壽司，非常有日本築地壽司店嘅風味。壽司拼盤係即叫即做，每件壽司內已加有少量日式芥末，食法夠正宗。而10件壽司之中，好多款壽司都係一流水準，極尚肥美嘅大拖羅，魚油味較濃較重，入口魚油香味十足; 魚籽軍艦戴有滿滿嘅魚籽，每一粒都脆卜卜，入口口感一流。與此同時，赤貝亦選用非常新鮮嘅食材，有著爽口嘅口感，每一啖都食到貝類嘅鮮味，甚具質素。而池魚、甜蝦壽司雖然好多餐廳都有供應，但呢度亦以一流水準呈獻，全無任何雜質，爽甜同鮮味同冶一身!另外兩件壽司更加係滋味無窮，鰻魚壽司選用厚身鰻魚同秘製醬汁，而海膽軍艦更有滿滿嘅海膽，鮮味濃郁至極，有微微嘅海水味，就算係價錢貴少少都係值得。最後有兩串牛舌，燒得香味十足，加上黑椒、香草等調味，味道滋味之味口感又帶有咬口，連熱食都甚具水準。