食之劇場餐廳 (已結業)

今日放假一早計劃左去西貢過悠閒既一日, 晚餐已經一早BOOK定係白沙灣碼頭酒店下既依一間日式餐廳。係西貢玩左半日後黎到依個碼頭, 眼前景色真係令人好RELAX, 天仲未黑準時入座, 餐廳既落地大玻璃採光度高, 望出去就係動人既海景, 加上和風設計既用餐空間, 一邊就坐一邊享受寧靜, 環境真係一流。MENU只有「海」、「雲」、「天」三款和食晚宴。今次食既係「海」，包括前菜, 刺身, 燒物等等。前菜三點首先師傅會喺人客面前打開木盒, 隨之而來既係一陣清香既櫻花木煙燻味道, 伴隨住煙燻效果, 非常之靚。其中既京都豆乳味道比一般既香濃多倍, 上面更加左南瓜蓉, 質感同味道都十分融和。剌身二點分別係深海池魚同埋鯛魚, 深海池魚魚油豐富, 十分肥美。鯛魚經火炙過魚皮位, 焦香非常, 肉質鮮味又彈牙。透明醬油亦係一大亮點, 聽就聽過但試就係第一次, 剔透得黎卻又同平時既醬油一樣鮮味, 好有趣。日式蒸蛋蒸蛋十分滑溜, 中心放有鰻魚粒, 面頭有飽滿三文魚子, 咸香鮮味, 一同放入口腔, 味道同口感都好豐富! 燒物師傅特別挑選左吞拿魚鉸面珠登位, 皮位燒得香脆, 近魚鉸位既肉特別香滑, 而魚經燒過後魚油溢