太子名點心 (已結業)

星期日落雨濕濕無乜嘢做就諗住去太子「某數字點心」食米芝連點心，點知去到登記話要等一個鐘，門口個阿姐仲超無禮貌，嬲嬲哋就去附近試呢間。首先，去到其實同個間數字點心差不多大細，分分鐘仲闊落些少，12幾去到唔使等，係我哋食到一點幾就開始要等，不過都唔使等太耐。嘢食方面，標榜即叫即製，無「某運氣」咁多味噌，我男朋友每次食完都話好口喝，呢到嘅點心皮幾薄，不過收口個位略嫌太厚，有待改善，不過個餡嘅味道唔錯。金錢肚同鳳爪真係好食。炸嘢睇得出d油好乾淨，亦唔太油，讚！腸粉皮好薄，唔錯。仲有個糯米雞，好味，一定要2個人share, 佢無放肥肉，現代人都怕肥，睇到無放垃圾肉，睇得出肉粒。價錢$150兩個人，食到超飽，所以睇好佢會慢慢上位