大大碟嘅雞，仲有兩粒小青檸，阿姐教水滾就落雞，大火煲佢5分鐘，就熟哂食得，將青檸汁加落豉油到，點雞食，令鮮嫩白滑嘅雞肉更惹味。食完啲雞，飲啖雞湯，真係不得了，煲滾嗰陣已經覺得椰子好香，飲落更加無得彈，仲有爽口嘅馬蹄，同煲到林哂嘅椰子肉，真係好正! 唯一係啲雞連雞皮落，所以都有啲雞油，但隔走便可。
跟住叫阿姐加湯，開始落海鮮! 我地叫咗蟹，鮑魚，蟶子，蠔，蝦，帶子，蜆，全部都好新鮮，啲蝦仲識郁嘅，特別推薦蟹，多肉，而且鮮甜，即使拆蟹搞到隻手污糟都要食(每枱都擺咗紙巾好貼心)
最後就係其他配菜，正正常常咁啦，不過建議叫返多啲菜，因為雞同海鮮都非常足料，其實食完已經好飽好飽
