韓牛韓式燒烤 (已結業)

好耐無食韓燒lu，無意中同朋友搵到呢間幾抵食嘅韓式燒烤。只要$228，就可以任食多款肉類，海鮮，熟食，甜品，生果，雪糕。第一眼吸引我眼球嘅就係部棉花糖機。雖然唔係第一次喺任食烤肉餐廳見到棉花糖機，但每次見到都會覺得好開心。可以自己加糖，自己卷個超巨大棉花糖，超好玩！講返啲肉先，肉嘅種類真係多到數唔晒，每款肉都係醃製好晒，基本上唔需要落調味料都夠味。除咗生肉之外，我覺得最值得留意嘅係佢嘅甜品，因為真係有好多唔同嘅選擇，而最特別嘅係佢竟然有唔同嘅糖水/湯，例如韓式人蔘雞湯，番薯芋頭糖水，中式糖水等等。雖然我今次飽得滯，未試暈晒，但我下次一定要飲下呢啲湯水😋