影片
更多
2020-11-18
102 瀏覽
上次路過洗衣街發現好多野食，見到間居酒屋門口都裝修得幾靚所以打算下次去幫襯，早幾日就食完，發覺真係幾好值得推介。間野叫令和居酒屋，入到去環境唔算好闊落但係空間感都好大。餐廳內佈置好有日本味道，牆身貼滿哂清酒樽既貼紙，仲有掛滿哂唔同菜式既日文名，就好像完完全全去左日本既居酒屋咁。個背景音樂都選用返啲特色既日本音樂，成個氣氛出哂黎。黎到居酒屋無理由唔叫返杯酒架麻，我叫左杯鮮檸檬威士忌梳打，望落去已經好吸晴可以打卡，飲左幾啖都感覺到醉醉地，感受到餐廳佢地落酒好重手，抵飲！前菜方面，首先每人一隻清酒廣島生蠔，生蠔肉厚同新鮮，連埋清酒食呢個配搭都係第一次，食完之後成個體驗我可以話係精神既！下一份燒和牛他他，入口覺得好驚豔，牛肉調味得好好，配上生洋蔥同埋佢既醬汁，口感相當豐富。鮮冬菇串配上木魚碎，燒得剛好，咬落去冬菇既汁就係口腔到滲出黎，我諗其他既燒物都相當唔錯。蟹肉可樂餅不過不失，但係入面充滿住蟹肉，啖啖肉呀，配埋外脆內軟既口感，真係想食多個，但都係怕熱氣所以一個就夠了。想重點講講黎緊呢個銀鱈魚西京燒，佢呢個醃料相當出色，燒好後的銀鱈魚表面金黃，魚肉帶有淡淡白味噌的甘甜味，配埋沙律醬真係令人無法
間野叫令和居酒屋，入到去環境唔算好闊落但係空間感都好大。餐廳內佈置好有日本味道，牆身貼滿哂清酒樽既貼紙，仲有掛滿哂唔同菜式既日文名，就好像完完全全去左日本既居酒屋咁。個背景音樂都選用返啲特色既日本音樂，成個氣氛出哂黎。
黎到居酒屋無理由唔叫返杯酒架麻，我叫左杯鮮檸檬威士忌梳打，望落去已經好吸晴可以打卡，飲左幾啖都感覺到醉醉地，感受到餐廳佢地落酒好重手，抵飲！
前菜方面，首先每人一隻清酒廣島生蠔，生蠔肉厚同新鮮，連埋清酒食呢個配搭都係第一次，食完之後成個體驗我可以話係精神既！
下一份燒和牛他他，入口覺得好驚豔，牛肉調味得好好，配上生洋蔥同埋佢既醬汁，口感相當豐富。鮮冬菇串配上木魚碎，燒得剛好，咬落去冬菇既汁就係口腔到滲出黎，我諗其他既燒物都相當唔錯。
蟹肉可樂餅不過不失，但係入面充滿住蟹肉，啖啖肉呀，配埋外脆內軟既口感，真係想食多個，但都係怕熱氣所以一個就夠了。
想重點講講黎緊呢個銀鱈魚西京燒，佢呢個醃料相當出色，燒好後的銀鱈魚表面金黃，魚肉帶有淡淡白味噌的甘甜味，配埋沙律醬真係令人無法抵抗，老實講呢到已經唔算細塊但真係想再叫多兩舊食下，係一道令人回味無窮既料理呀～
到主菜介紹，令和魚生丼用得佢招牌既名做菜名一定不容有失，相當豐富既刺身，包括有帶子、海膽、三文魚、刺身蝦、三文魚籽、蟹子、油甘魚、吞拿魚、劍魚腩和海葡萄，我諗睇相都望到全部好新鮮啦，飯仲有飯素係入面，成個飯都好新鮮，同埋豐富，呢個可以俾十個手指公。
然後就係每個人黎到都有叫既石板燒，加左$25有蟹膏飯、野菜沙律、味噌湯一份。由於近排完成左單大project所以狠心叫左個最貴既A5日本黑毛和牛。到放入口果一下我只可以話值回票價，差唔多已經令我返去到東京既感覺，油脂好香，肉味都濃，配埋個蟹膏飯食落去完全唔覺油膩，正
呢間令和居酒屋係我近排食過少有性價比高既居酒屋，十分十分推介～
張貼
