西貢真味越南小廚 (已結業)

入西貢見有間越南餐館新開張, 見到出面post 左d食物相好似好正, 同朋友走入去試試先~講真, 環境麻麻地, 因為地方比較細, 有點窄, 全店以綠色為主, 感覺好清新, 聽店主講, 原來綠色係代表越南既顏色~這天點菜如下:生牛肉湯河: 味道ok, 不過不失~蕃茄牛坑腩河粉: 極度推介, 蕃茄湯味濃, 牛坑腩好淋, 連紅蘿蔔都好入味, 必食~ (可惜唔記得影相)豬扒凍檬: 豬扒好好味, 炸得好淋, 又大件~蒜蓉牛油雞翼: 好脆既雞中翼, 見到都流口水~越南春卷: 唔知係咪黎左唔係立刻食, 感覺好似淋左唔夠脆, 但值得一讚既係用黎包春卷既生菜好新鮮~越南炸軟殼蟹: 抵食夾大件~飲品方面, 只叫了汽水, 但見到有其他客人飲咖啡, 個咖啡杯好特別, 好似蒸餾咁, 可惜唔方面影人地杯野~呢間食店唔貴, 叫個河粉只不過三十多元, 但食物有驚喜, 入開西貢, 真係值得再去~