影片
更多
2023-07-07
284 瀏覽
原本擁有一次美好的回憶，俾一位極度劣質的經理破壞了。我本身預約了下年年頭包場準備舉行人生大日子的婚宴，因為唔鐘意傳統的婚宴會，所以選了西式又有娛樂設施俾來賓耍樂。由於餐廳沒提供試菜，我都專登搵一日去試下，食物係完全無問題。當天經理放假，所以員工俾左他的經理的咭片我，他們只有一位經理，我可以直接聯絡商討。打左好多次電話都無回覆，好啦，咁最後whatsapp開始聯絡。Jan 18號message，佢1 Feb先覆，開頭都唔覺得有問題，只不過係回覆慢加上仲有好多時間，講左基本野（真係好基本，包場幾錢，包啲乜野既設施和車位之類）後就暫時沒有聯絡，因他講餐牌唔需要咁快傾，同埋可能會變所以可以年中之後先講。9 MAY到左5月我再致電經理，沒有員工知道佢去左邊，佢過左幾日whatsapp我，我想要一位餐單，他給了我之後我想要一份素菜餐單，當時係9 MAY，之後一直沒有回覆，直到20號我whatsapp佢，佢先再問我素菜係咪芝士蒜葸都唔食得，答了之佢之後就消失了。。。。21 MAY突然答一個"好"，就再消失即係點？你會再準備俾我或再聯絡我，或者會係幾時俾到我都要講聲呀。8 JUN我whatsapp問他
我本身預約了下年年頭包場準備舉行人生大日子的婚宴，因為唔鐘意傳統的婚宴會，所以選了西式又有娛樂設施俾來賓耍樂。
由於餐廳沒提供試菜，我都專登搵一日去試下，食物係完全無問題。當天經理放假，所以員工俾左他的經理的咭片我，他們只有一位經理，我可以直接聯絡商討。打左好多次電話都無回覆，好啦，咁最後whatsapp開始聯絡。
Jan 18號message，佢1 Feb先覆，開頭都唔覺得有問題，只不過係回覆慢加上仲有好多時間，講左基本野（真係好基本，包場幾錢，包啲乜野既設施和車位之類）後就暫時沒有聯絡，因他講餐牌唔需要咁快傾，同埋可能會變所以可以年中之後先講。
9 MAY
到左5月我再致電經理，沒有員工知道佢去左邊，佢過左幾日whatsapp我，我想要一位餐單，他給了我之後我想要一份素菜餐單，當時係9 MAY，之後一直沒有回覆，直到20號我whatsapp佢，佢先再問我素菜係咪芝士蒜葸都唔食得，答了之佢之後就消失了。。。。
21 MAY
突然答一個"好"，就再消失
即係點？你會再準備俾我或再聯絡我，或者會係幾時俾到我都要講聲呀。
8 JUN
我whatsapp問他準備好素菜單未？ 一直潛水。。。。
12 JUN
再whatsapp 。。。。，
期間都好似有打去餐單留言
之後同我講話之前SEND左俾另一個人。大話唔係咁講架麻。
仲要俾左兩個FILE我，但係一樣，點呀？要我搵錯處？
跟住仲問我個幾點行禮。。。我第一次已經同你講過啦，宜家仲問，感覺係不被重視和尊重！！
跟住突然問我真係需要個set lunch?
(佢好似失憶咁，我講過唔想buffet形式，佢就建議我做buffet/cocktail，話我其實唔洗搞lunch，直家邊個搞婚宴？你覺得唔需要係你問題，但你既職責係盡量滿足客人需要，乜野叫唔需要！！？我唔想做buffet係有好多老人家唔想佢地要行來行去，完全無將我既要求做記錄，記唔到就應該用方法去記錄，之後越覆越僈，甚至幾日唔覆都我再message先回一句，無頭無尾的一句，連一句唔好意思，遲左覆都無。)
跟住又講啲莫明奇妙既PACKAGE出黎，包場明明話係12-6pm，突然話我3點至5點就得，我之前來來回回都問過佢個職員都話係12-6PM， 點解突然有幾小時包場？
又頭到尾都無俾過一分完整既PACKAGE我，我話想要一分完整既PACKAGE，佢話份MENU 就係，跟住突然又話個PAPACKAGE唔啱我。。。。係咪玩野，唔啱你又俾我。原來佢話俾我嗰分係COCKTAIL形式，火唔火
最搞笑嗰份MENU同原來個會差一倍
你要加錢宜家先黎講，一直都係用最原始個價傾，改完一輪之我自己發現加左價，如果要加錢係一預先要講聲改呢樣要點點點。。。你估我去緊老麥買野呀，加邊一樣加幾多一清二楚。呢個世界係咪咁多人無用個心去做野既呢。
一條問題要等佢幾日先覆一個MESSAGE
我心諗咁落去都唔係辦法，想約個時間電話傾，避免拖得太耐，如最後唔得我都仲有時間搵其他場地
整個過程我都好有禮貌，唔該前唔該後，唔好意思呀，請呀之類，最後太嬲已經無，
但佢係一路都無！！！！！呢啲門面工夫！！！！
以下係whataspp對答
到最後請佢聴日下午夜點搵我。
我： 請聽日下午三點點聯絡我 （我都仲係有"請"佢）
佢： 唔得，4點（唔好意思唔講不在話下，起碼都作個原因吖，見客，開會，。。嘩～～～宜家你係老細喎，有無基本禮貌！？）
我： 請問6點後幾點可以？ （因我都要返工唔方便講太耐，因為預左要傾一段時間。）呢刻我都仲有用請問
佢： 講明先，可能好夜（宜家我同你好熟？咁你都要俾個時間架，你一句我一句，宜家我溝緊你呀？）
我：幾點，你對所有客人都係咁既態度同質數？
佢：等個DINNER完左之後（我係你餐廳做？我知幾點收工，幾點做完DINNER？）
我：我會知個DINNER幾時完？後日前點聯絡我！（我都真係火了）
佢：咁我聽日5點聯絡你（我問得你6點後就係6點前唔得啦，經理應該醒少少呀）
我：後日6點！！
佢：我宜家覆你，唔接我生意，
佢：你個EVENT下年先搞，仲有咁多個月，EVENT唔係我主要工作，全世界得你一個結婚呀？
（好，我問左好多職員，搞EVENT得你一個話到事，唔搵你搵邊個？係唔係你主要工作唔關我事，我只知淨係可以搵你，你估我好想搵你 ，我都問過有無其他人可以做決定，或者人傾完再向你攞APPROVE，會唔會好啲？所有人都係話得你可以決定。你唔高興可以叫你老細請個人專做EVENT。你同我發脾四？？仲要向一個客人發！！）
由頭到尾無禮貌已經唔在講，覆又慢 ，功課又做唔足，每次俾少少，我仲要係度自己整理 ，我俾錢反而我仲要做一大堆野，WHATAPP每一次都係講一句，下下要我去問你先答，點做服務業呀你，你去做掃地啦，洗講野架。
我早啲傾就係想有多啲時間俾你準備，我自己都要準備，如果有咩差池可以搵其他場地，你反而投訴我咁早同你傾，你咁既回覆速度，再多時間你都搞唔掂，我既要求你無上心 又無記低，整個感覺差到不行，感覺就係你唔想搞咁多野，最簡單形成就最好。
好啦，宜家俾你一獲搞掂，我要搵過其場地，有無都其資，要自己鐘意先難。。。。問左幾間都話FULL晒，因為話晒嗰日都係好日子。
張貼