呇 (已結業)

所謂的米芝連有兩大失望點 1) 味道差（傷心都好食過佢）2) 服務差 (茶餐廳都好過佢），以下我會詳細講：- 做爲一個中國人去食呢間所謂的米芝連四川菜，簡直系侮辱緊自己的味蕾，相信所有的菜都係爲了迎合外國人，昨晚我去用餐的時候 全場大部分都係外國人，琴晚叫了網上推介的 口水雞，重慶辣子雞，簡直不知所謂，超級難食！ 其他菜勉強吞到入肚！味道唔好，其實真係無乜所謂，最多下次唔去，但服務差 就真係激x氣！講真，又話米芝連，飲支水又收你$70 學晒高級西餐d 野，但服務仲差x過茶餐廳。朋友生日，我地一早擺定個cake係餐廳，叫個waiter 係我地食完野之後點埋蠟燭拎出泥，點知個waiter 好似未訓醒咁，拎左個cake 擺係我地面前 問「洗唔洗點埋個蠟燭」，之後連一句生日快樂都講，全場O x 嘴！ 仲有食完野 個waiter 收晒d 碗碟，台面又唔抹，唔知想點x樣！總結：呢間餐廳 千萬不要去，如果唔係 後悔一世！