元気寿司 (已結業)

新年放假外出，周圍都好多人…為左唔想迫，同女友上樓食飯，本來想食一風堂，但隔離元氣唔洗等位，悲劇就發生啦…元氣一向俾我既印象都唔錯，乾淨企理，我地坐係二人bar枱一口氣點左30件左右壽司，然後waiter哥哥都一口氣講翻一堆是日無供應既野，但見都坐低左就算…照點翻啲其他既。點知啲壽司黎到又鬆散，飯粒又硬，最離譜係件三文魚壽司，切到紙咁薄不特止，仲要搞到爛熔熔。大哥你唔夠貨咪好似三文魚腩咁話無貨，大家無期望無失望，新年流流搞到慶合合真係恭喜你個發財啦極度失望！