糖百府 (已結業)

一心想試吓糖百府既綿綿冰，真係冇諗過係咁難食。剛才點咗個雜果綿綿冰(可自選綿綿冰味道)，我哋要咗芒果底。等緊個綿綿冰既時候，發現張單寫咗$43而唔係$38，於是我地就問其中一個職員點解，佢解釋芒果底係要加$5，但係落單既時候完全冇同我哋講過，而MENU都冇標明要加錢，已經嬲嬲哋，點知個綿綿冰一到就更加火，D生果冇一樣係新鮮，士多啤利好似變壞咗咁，D鹽水浸到D菠蘿得咸味冇菠蘿味，蘋果粉到好似食緊薯仔咁，奇異果既味道真係好奇異，D芒果粒(真係好細粒)好似用撞爛咗既芒果切出嚟咁，真係去許留山食好過!