影片
更多
2016-07-11
1355 瀏覽
今日係星期一，放完個週末假，諗住搵間普通餐廳食返個lunch上openrice見呢一間餐廳ok就出發啦一去到唔使等位梗係正啦，坐低叫個個七十幾蚊既牛仔骨餐等咗十零分鐘個午餐嚟到，咦？點解個牛仔骨無骨既? 問一問侍應，原來落錯單，整咗個百五蚊既牛扒餐嚟。咁要返個牛仔骨要幾耐?要等十五至二十分鐘。喂大佬，我要返工架，點等?咁侍應就話俾個折再送甜品，我已經即刻話唔要甜品架啦 (根本唔夠時間食)。無計，唯有俾貴啲硬食，當係俾多少少錢獎勵自己。味道一聞落去，真係有少少grill既香味！當時覺得俾貴少少、食好少少，都ok吖。我滿心歡喜咁切開，點知食落去完全唔掂，佢既牛扒一咬落去係無味既，咬多兩啖，有少少味，但係都係好淡牛肉味，有啲似茶記牛肉通粉啲牛肉咁既味，只係有快餐店鐵板既質素，差過花X餐廳不特止，連我自己喺超市買塊扒返屋企煮都好過佢。完全接受唔到呢間嘢仲要叫自己做griller spot。質感(其實落完單 第二個侍應過嚟問我要幾成我已經覺得奇怪 牛仔骨都有得揀？當時仲覺得 果然係勁餐廳喎)我就好怕牛於太韌既，咁我就叫咗五成熟。件牛上到枱望落都無過熟，點知一切落去入面啲肉都幾啡！都心知不妙，一咬
上openrice見呢一間餐廳ok就出發啦
一去到唔使等位梗係正啦，坐低叫個個七十幾蚊既牛仔骨餐
等咗十零分鐘個午餐嚟到，咦？點解個牛仔骨無骨既? 問一問侍應，原來落錯單，整咗個百五蚊既牛扒餐嚟。
咁要返個牛仔骨要幾耐?要等十五至二十分鐘。喂大佬，我要返工架，點等?咁侍應就話俾個折再送甜品，我已經即刻話唔要甜品架啦 (根本唔夠時間食)。
無計，唯有俾貴啲硬食，當係俾多少少錢獎勵自己。
味道
一聞落去，真係有少少grill既香味！當時覺得俾貴少少、食好少少，都ok吖。我滿心歡喜咁切開，點知食落去完全唔掂，佢既牛扒一咬落去係無味既，咬多兩啖，有少少味，但係都係好淡牛肉味，有啲似茶記牛肉通粉啲牛肉咁既味，只係有快餐店鐵板既質素，差過花X餐廳不特止，連我自己喺超市買塊扒返屋企煮都好過佢。完全接受唔到呢間嘢仲要叫自己做griller spot。
質感
(其實落完單 第二個侍應過嚟問我要幾成我已經覺得奇怪 牛仔骨都有得揀？當時仲覺得 果然係勁餐廳喎)
我就好怕牛於太韌既，咁我就叫咗五成熟。件牛上到枱望落都無過熟，點知一切落去入面啲肉都幾啡！都心知不妙，一咬，正情好似咬緊七成既牛咁，真係要趙好耐
賣相
都正常既，似係百零蚊牛扒既樣。唔咬落去既話都呃得下人。
埋單九折，即係個餐都要成$138。老老實實，呢個地點加埋呢件牛扒，最多只值六、七十蚊。食完簡直令人心情低落，無晒心機返工。
張貼
