極尚大瀛喜日本料理 (已結業)

近排都冇嚟食好嘢，今日心思思好想食日式放題，諗起之前食過嘅呢間極尚大瀛喜，所以放工就過咗嚟☺️呢度嘅晚市放題好抵食，特別係啱晒我呢啲鍾意食刺身嘅人，最鍾意佢啲刺身好新鮮，尤其是三文魚鮮甜，而且好厚身，象拔蚌食落又夠脆身🥰另外仲叫咗蒜蓉帶子，蒜香突出，香口惹味，而且帶子大大隻；另外都仲叫咗燒菠蘿同燒牛舌，非常之有水準，咬落好juicy😚另外仲叫咗啲熟食，叫咗花膠，可以補一補，而且啲凍熟蝦都係同樣好食，Keep住咁爽口同新鮮，loop咗四rounds🤩飲品同雪糕都好多選擇，正常發揮😎環境依舊係咁闊落，而且光線又夠明亮，食得舒服又開心，值得要再encore😍