極尚大喜屋 (加連威老道) (已結業)

今年已經係第三次食極尚大喜屋, 價錢合理，上菜的時間亦都非常之快, 選擇多, 服務態度良好, 比較過其他之後都係覺得呢一間係最好。一開始食刺身是基本放題嘅開始，三文魚，油甘魚，甜蝦，松葉蟹，最突出永遠都是三文魚，近腩位，有魚味，唔會好腥。壽司方便今次叫多咗海膽軍艦，因為食第一嚿已經覺得非常之新鮮，海膽嘅份量亦都充足，其次是燒左口魚，入口即溶，有魚油味， 芝士蟹柳棒，都是老少咸宜。最後熟食方便有，羊架，牛舌，鰻魚串：羊架好大件，好重羊嘅味道。牛舌好淋，燒到外脆內嫩， 外面仲有汁留出黎。燒鰻魚串：啖啖肉 ，跟鰻魚汁非常惹味。總括嚟講呢個價錢，呢個食物，合格有如， 種類太多，建議大家一班人去，又熱鬧又可以叫好多唔同種類嘅嘢食。