影片
更多
2018-01-12
852 瀏覽
幫襯咗金滿庭好多年雖然唔算係常客但係每三、兩個月總會光顧一、兩次佢哋唔同嘅分店佢哋嘅食物質素其實間間都算係保持到水準但係銅鑼灣店嘅樓面管理令人十分失望一間中價食市服務質素比平民食市、甚至快餐店差其實真係要認真檢討樓面趕客、厨房做得再出色都會令食客卻步之前一次幫襯銅鑼灣店只係點午市嘅一般食品點單後要一再催促每次都話我哋知「出緊」…（根本冇去 check )結果要個幾鐘先上齊菜… 好彩嗰日在座冇人要返工今次晚飯三日前預訂五位我哋到咗帶位先好隨意咁帶我哋去一張set 好咗三位嘅細圓枱加兩套碗、筷再拉多張櫈其實擺五套餐具枱面已經冇位可以點叫嘢食呢？不過的確又見唔到佢哋有中枱但係我見到佢哋中間嘅八人枱起碼有一張係 set 咗五位嘅於是就試下問有冇枱可以換啦我見個侍應小心翼翼咁問個男部長而個男部長冇複查訂枱記錄就同個侍應講、話冇枱… 如果佢有咁清晰點解我哋張五人訂枱唔係一早 set 好嘅？我只可以理解呢個係隨口噏、不負責任反而個侍應再去幫我哋揾最後話可以考慮外面近入口嘅位置會比較濶落又冇咁大風其實我一般係唔考慮佢哋近入口嘅位嗰個位置基本上係冇冷氣嘅但係佢張三人枱確實坐唔到五個大人就只好搬位啦點知搬
雖然唔算係常客
但係每三、兩個月總會光顧一、兩次
佢哋唔同嘅分店
佢哋嘅食物質素
其實間間都算係保持到水準
但係銅鑼灣店嘅樓面管理令人十分失望
一間中價食市
服務質素比平民食市、甚至快餐店差
其實真係要認真檢討
樓面趕客、厨房做得再出色
都會令食客卻步
之前一次幫襯銅鑼灣店
只係點午市嘅一般食品
點單後要一再催促
每次都話我哋知「出緊」
…（根本冇去 check )
結果要個幾鐘先上齊菜
… 好彩嗰日在座冇人要返工
今次晚飯
三日前預訂五位
我哋到咗
帶位先好隨意咁帶我哋去一張
set 好咗三位嘅細圓枱
加兩套碗、筷
再拉多張櫈
其實擺五套餐具
枱面已經冇位
可以點叫嘢食呢？
不過的確又見唔到佢哋有中枱
但係我見到佢哋中間嘅八人枱
起碼有一張係 set 咗五位嘅
於是就試下問有冇枱可以換啦
我見個侍應小心翼翼咁問個男部長
而個男部長
冇複查訂枱記錄就同個侍應講、話冇枱
… 如果佢有咁清晰
點解我哋張五人訂枱唔係一早 set 好嘅？
我只可以理解呢個係隨口噏、不負責任
反而個侍應再去幫我哋揾
最後話可以考慮外面近入口嘅位置
會比較濶落又冇咁大風
其實我一般係唔考慮佢哋近入口嘅位
嗰個位置基本上係冇冷氣嘅
但係佢張三人枱確實坐唔到五個大人
就只好搬位啦
點知搬出去
佢都只係俾兩張方枱
… 枱面係大咗
但係兩側都擺唔落櫈
其中一邊要坐三位其實會好迫
於是硬住頭皮再問可唔可以拉埋隔離張枱
另一位女侍應話幫我哋問經理
本來我哋都覺得唔好意思
好似好多要求咁
如果佢哋真係滿場冇辦法安排
都唔係大問題、只係真係坐得唔舒服
但係嗰位「所謂」女經理
一副不屑嘅態度、顧意漠視
根本唔當顧客係一回事
其實、訂枱冇預先安排
已經唔多妥當
客人提出要求
一般應該由部長、經理去處理
但係班中層管理仲要擺高姿態
諉責班基層侍應去處理客人嘅要求
而顧客變咗連基層侍應都不如
… 因為顧客「唔夠資格」同班中層對話
我嬲到即時拉隊走
以後都唔會再光顧銅鑼灣店喇
張貼