名門讌客 (裝修中)

今日中午同班客人幫襯呢間野，叫左好多嘢食，但客人可能舟車勞頓無乜胃口，我見叫得太多，想取消一碟未嚟嘅餸！同個侍應講，佢黑面同我話無得取消！除非你埋單時碟野未到啦！你而家係咪走丫！哇，呢D咩待客態度！我都明order左唔一定可以取消，但既然我禮貌地問你都可以好聲好氣答我丫！最神奇係果碟餸後來一直都無來，我以為佢唔通取消左？點知到我地食完差唔多埋單碟餸先來！咁即係點？我見有客人響度費事同佢嘈失禮人，依然好客氣咁問佢攞個盒打包走！個侍應好黑面好大反應咁話，要比一蚊架喎！我而家有話唔比咩？咁樣對客係咩服務？你唔比我取消碟野，又遲遲唔上菜！我走果時問你拎個盒打包好似欠左你錢咁嘅！呢間野以後都唔會再幫襯！