海港燒鵝海鮮酒家

營業中

休息中

今日又同同事一齊飲茶🫖而海港燒鵝海鮮酒家係我地眼中 算係相對較有質素嘅酒樓黎🫠但係！！！！！直到今日去葵芳個間海港燒鵝海鮮酒家！真係嬲到爆！😡啲員工態度極差 仲要吾止一個🥺個個都黑口黑面 大聲吆喝咁同我地講野😓仲要見到樣野 係令我即刻冇晒胃口！🤮本身見到啲野食黎到 仲好開心咁影左張相 post下ig story🥹但之後惡夢黎啦🥴吾知大家見到野食入面 有張紙係咩感覺開頭我會覺得 冇咩野啫 可能係運輸嘅時候有野包住咁岩痴住左 好小事啫🫠但之後發現個張紙 係🤮牙籤紙🤮黎架！😱仲要係一部分！😱吾係完整嘅牙籤紙黎！🤯當刻我嘅心情即刻頹晒完全冇晒胃口🤢腦海諗左好多吾同嘅可能性而種種嘅可能性都足以令我反胃🤢🤮🤮🤮之後同個女經理講但佢對吾住都冇句！！！！😡只係收走我隻碟 話換個新嘅比我！見到咁嘅情況我地仲點有胃口食丫🤷🏽‍♂️總結：比員工用差嘅態度對待🥹食物嘅潔淨程度有待改善☹️