影片
更多
2013-06-15
423 瀏覽
上星期日跟家中的食客逛街時偶然發現呢間餐廳，那次是我第一次到呢間餐廳。餐廳在2樓，一進場便被那裏的環境吸引了，擺設有sofa 及椅子，像極café多於餐廳，場上更掛著印有神的話語的畫，加上輕音樂，我們被安排坐在窗邊的sofa, 倍覺捨意。因為是第一次到這裏吃飯，看餐牌時，發覺drink list是很認真的，有各種咖啡和cocktail/ mocktail。由於是吃晚餐，最後點了蜆肉意粉、帶子比目魚set dinner 跟卡邦尼意粉。三個dishes 之中, 我們兩人都覺得蜆肉意粉最好吃，而set dinner 的法式焦糖燉蛋更加令食客愛不釋手，不知不覺便坐上差不多兩小時，真是舒服又捨意。最後埋單是約$360，可惜我們沒有citibank 的信用卡，如有有９拆優惠。基於第一次的愉快經歷，今晚相約一位朋友到那裏吃飯和傾計。由於上次去時整晚都沒有大多人，今晚去前沒察覺要訂位，我們甫出電梯，見餐廳內很多位，於是我們打開門，但ｗａｉｔｅｒ沒有即時請我們入去，只問我們多少人，我答兩位但無訂位。於是他們查看他們的ｂｏｏｋｉｎｇ，過了一會, 便邀我們入座，坐在偏廳那處。那裏有十多張枱, 但可能時間尚早
基於第一次的愉快經歷，今晚相約一位朋友到那裏吃飯和傾計。由於上次去時整晚都沒有大多人，今晚去前沒察覺要訂位，我們甫出電梯，見餐廳內很多位，於是我們打開門，但ｗａｉｔｅｒ沒有即時請我們入去，只問我們多少人，我答兩位但無訂位。於是他們查看他們的ｂｏｏｋｉｎｇ，過了一會, 便邀我們入座，坐在偏廳那處。那裏有十多張枱, 但可能時間尚早 (6:30pm 左右), 沒有一枱坐了客。
甫坐下, waitress 放下兩杯水，跟著便有位侍應對我們說﹕”不好意思, 兩位, 因為今日book滿咗，你地只可以坐到８點便要交枱“ 我和朋友征了一征，心想，仲咩我們入嚟前唔同我地講？我望下個鐘， 當時係６：40pm ， 心想有個多小時應該都夠時間食，既然都坐下，就無辦法。於是開始看餐牌點菜，由於第一次沒有叫飯，今次便叫了茄汁巴馬火腿雜菌意大利飯和海鮮濶條面，朋友更叫了一杯凍檸茶。
我們一邊傾計，一邊用饍，身旁亦開始有人客入座，我們身旁那張４人枱亦有１位人客坐下。我和朋友談天說地，突然有位侍應走過來跟我們說﹕“兩位，唔好意思，你地張枱係7:30交枱， 現在已是７：４０ｐｍ， 我們已經通融多１０分鐘比你地！”
我和朋友都呆了一呆， 我抬起頭對那位侍應說﹕“你地頭先話係８點ｇａ喎。”個侍應堅持說﹕“係7：30pm喎！” 我保持著冷靜對他說﹕“我地頭先6:40pm 先响度坐底， 如果你地剛才話比我地聽係7:30pm， 我地根本就唔會响度食！” 個侍應見我咁講， 佢粒聲唔出行開咗，好似去咗睇佢個ｂｏｏｋｉｎｇ record, 然後就返嚟 “好有禮貌” 咁同我地講﹕”咁你坐到8pm 啦, 8pm 你地要準時交枱！”
我同我個朋友相視對望，我地4隻耳仔聽得好清楚係8pm , 如果一開始佢地係講7:30pm , 我地一定會起身走，一個小時都唔夠, 點食？何況呢啲餐廳的賣點應該係比人坐得耐舒舒服服咁傾計ma？你叫我食50分鐘走人, 茶餐廰都唔會咁趕人走啦！
講吓講吓, 我同朋友都發覺嚟同我地講7:30pm 同8pm 的侍應應該係同一個人，同埋我地估佢要交張6人枱, 我地兩人坐咗响4人枱的隔離，但重點係當時都未坐滿, 而且隔離張4人枱都只係一個人嚟咗(佢地應該係訂咗位), 點解响咁的情況下用啲咁的手段趕我地走呢？我同朋友越講越無癮，只係坐到7:50pm 就走，因為都比佢地搞到無哂心情。
事後, 我同朋友都覺得佢地服務好差，又隱滿事實, 而且大話連篇﹕
第一, 點解唔响我地入餐廳坐之前講明係8pm要交枱？咁等我地可以自己諗入唔入去。反而等我地坐底先同我地講，搞到我地唔好意思起身走。如果我入門口之前知道係8pm交枱, 我可以揀唔一定要响你間餐廳食ga ma！
第二，如果你地驚比我地6:40pm 入座, 7:30pm 前/ 8:00前交唔切枱比訂咗枱的客人，你地係咪應該決斷啲同walk-in客講, 唔好意思, 今晚full booking 呢？唔係為咗賺埋我地呢一轉錢，咁樣又瞞又呃我地呀？
第三，我唔知佢有心定無意, 睇錯booking record 定係咩, 可能客人係訂咗7:30pm, 而唔係8:00pm whatever la…… 但點都好, 錯不在我們, 點解要老屈我地記錯交枱時間, 意圖蒙混過關？另外，當時真係仲有啲枱未有人坐(訂枱客根本未到), 點解趕我地走趕唔切？
我寫呢篇文，唔係淨係希望去批評佢地，我好希望個侍應會睇到呢篇文，從而反省自己處事方法，是否會令客人不快, 令餐廳聲譽受損，以及令自己絆倒別人呢？
張貼
