小甜谷 (已結業)

行完街黎大坑食糖水，原本諗住食另一間甜品舖，但無開門所以改左黎小甜谷，諗住明星開既應該ok既...坐低叫左一碗楊枝甘露同埋芒果西米露(其實係要自己畫紙仔)。好快就上左喇。賣相方面，啲糖水用紙碗裝，但係用正常匙羹架喎，有啲奇怪。 芒果西米露味道麻麻地，價錢偏貴（$34），佢係用大西米，入面加左啲用荔枝造既類似蒟蒻物體。楊枝甘露（$32）呢，上枱個陣已經加左好多奶，我見個碗無西柚但有荔枝肉同頭先講既疑似荔枝蒟蒻，於是問下個侍應，佢話佢地半年前已經無用西柚整楊枝甘露。 下？楊枝甘露無西柚？咁仲係咪楊枝甘露？