麗島小廚 (已結業)

12人食雞煲竟然可以坐埋一枱唔洗分枱真係好，我地叫咗胡椒豬肚雞煲、椰子雞煲同埋烤魚。兩個雞煲都係半隻雞，而個烤魚就揀咗海斑因為貪佢D肉實淨D。兩款雞煲嘅雞都係分開上，好處就係隻雞唔會因為喺個煲度煲得太耐而令到D雞肉韌咗。我地叫咗一份安格斯牛肉，好靚，淥一陣就食得，好鮮嫩。佢個鴨血都幾好食，夠爽脆。韭菜餃好味，因為入面D餡好新鮮，應該係自家製嘅。個炸魚皮超巨型，雖然可以落湯或者就咁食，但係因為太好食所以等唔切落湯就已經食咗落肚。鯪魚滑都幾新鮮，加埋D飛魚籽上去都咻話唔正。跟手再叫咗一堆火鍋配料，分別有冰豆腐、金菇。菜、秀珍菇、鮮腐竹同埋粟米，基本上樣樣都好新鮮，好好食。之後再補多一碟烏冬，為呢完美的晚餐作結尾。基本上樣樣都新鮮，好掂。