影片
更多
2009-09-02
190 瀏覽
AUG 30,2009 (SUN) DINNER今日一行5人嚟試吓呢間人頭湧湧嘅美味坊！因為撞車後行動唔係好方便，落車就可以行入嚟呀！嘻嘻！等咗一陣有個3人家庭轉咗卡位讓咗將大檯俾我哋，真好彩！真係唔該哂！不過好大冷氣呀！吹到我頭都暈！講返D嘢食先！晚餐或小菜已經有連飯&湯 (餐飲 +$5 )於是叫咗兩個晚餐、兩個小菜 & 一碟炒菜泰醬豬扖拼海蝦 ~ 泰醬沾滿兩個主角，甜甜酸酸好開胃，蝦肉幾實有3隻大1隻細，豬扖一塊剪開4件上，唔夠分添！梅菜扣肉 ~ 唔知點解有煙升上嚟，但就唔係幾夠熱！味道就鹹返少少好味好多！生炒排骨 ~ 配菜有菠蘿、西椒&紅椒，色彩鮮艷！味道酸中帶甜，幾好味，不過排骨真係略多骨，肉太少，比例對調就正喇！椒鹽鮮魷 ~ 魷魚好新鮮，好彈牙！魷魚炸得夠乾身，但又唔會太乾，味道剛好，好出色！正！正！正！蒜蓉炒菜心 ~ 菜心幾靚幾腍幾夠鑊氣，不過太少得幾條(唔夠10條咁啦！)成 $24 蚊俾多少少都唔怕喇！雪耳木瓜湯 ~ 幾甜幾好味，算係咁！凍奶茶 1杯、凍檸茶2杯 & 熱檸蜜1杯 ~ 都係OK架！總括嚟講全部都OK，可以嘅話會再嚟！湯係可以選中湯或羅宋湯的！中途有人唔小心倒
今日一行5人嚟試吓呢間人頭湧湧嘅美味坊！
因為撞車後行動唔係好方便，落車就可以行入嚟呀！嘻嘻！
等咗一陣有個3人家庭轉咗卡位讓咗將大檯俾我哋，真好彩！真係唔該哂！
不過好大冷氣呀！吹到我頭都暈！
講返D嘢食先！
晚餐或小菜已經有連飯&湯 (餐飲 +$5 )
於是叫咗兩個晚餐、兩個小菜 & 一碟炒菜
泰醬豬扖拼海蝦 ~ 泰醬沾滿兩個主角，甜甜酸酸好開胃，蝦肉幾實有3隻大1隻細，豬扖一塊剪開4件上，唔夠分添！
梅菜扣肉 ~ 唔知點解有煙升上嚟，但就唔係幾夠熱！味道就鹹返少少好味好多！
生炒排骨 ~ 配菜有菠蘿、西椒&紅椒，色彩鮮艷！味道酸中帶甜，幾好味，不過排骨真係略多骨，肉太少，比例對調就正喇！
椒鹽鮮魷 ~ 魷魚好新鮮，好彈牙！魷魚炸得夠乾身，但又唔會太乾，味道剛好，好出色！正！正！正！
蒜蓉炒菜心 ~ 菜心幾靚幾腍幾夠鑊氣，不過太少得幾條(唔夠10條咁啦！)成 $24 蚊俾多少少都唔怕喇！
雪耳木瓜湯 ~ 幾甜幾好味，算係咁！
凍奶茶 1杯、凍檸茶2杯 & 熱檸蜜1杯 ~ 都係OK架！
總括嚟講全部都OK，可以嘅話會再嚟！
湯係可以選中湯或羅宋湯的！
中途有人唔小心倒瀉咗碗湯，個呀姐猛話唔緊要，唔緊要，仲好細心咁抺咗幾次個呀姐服務真係一流！值得一讃！
張貼